Dr LEUNG WAI YEUNG

Share experiences about this doctor — clinic visits, wait times, and tips.

• Seng9/10·23 Sept 2022, 04:00

  本人阿爸長期都話腰背痛，之前試過去帶佢睇其他科醫生、跌打師傅、什至做過物理治療都唔得。上星期便預約骨科醫生拿意見，睇下阿爸係唔係因為年紀大退化而出現既痛症。當期時梁醫生了解完過往病情之後，便建議我地可以考慮去照 MRI 了解清楚D。 於是今個星期去覆診同睇報告，梁醫生懷疑阿爸可能係椎間盤突出導致痛楚，情況亦唔係有好大既急切性，我地可以返去慢慢考慮清楚做唔做手術，梁醫生亦開定封轉介信比我地，如有需要可以拎封信去政府到排期。 梁醫生深明老人家無收入來源，故此兩次看診都有比優惠阿爸。 簡評: 個人觀感- 詳盡親切、耐心施診 經歷過程- 醫生會從病人出發去提供意見 推介意見- 已視為本人的必然選擇

• BoBo Wong9/10·14 Sept 2022, 04:00

  由於媽媽時常話背脊痛，便帶媽媽去普通科醫生求醫，醫生建議照了X Ray，X Ray片見背部有受傷情況，於是便帶同媽媽及X Ray片到屋企就近之骨科專科診所求醫。梁醫生在問診後，便開始為媽媽做簡單既身體檢查，在此期間，梁醫生發現依X Ray片所視受傷之地方輕輕按壓，媽媽並無任何痛楚表現，相反，輕輕按壓X Ray片所視受傷之地方附近就出現痛楚。梁醫生懷疑背脊痛可能由其他疾病而引起，建議媽媽去照MRI作進一步詳細了解。在傾談期間，我詢問梁醫生可否幫媽媽做埋驗血同做骨質密度檢查，更清楚了解媽媽的身體狀況，梁醫生話如家屬覺得有此需要亦可安排。之後，我亦將之前醫生開比媽媽服用緊既藥物比梁醫生睇，是否可以繼續服用。梁醫生亦都好樂意講解每一隻藥，某的藥唔合適都會建議暫時停止服用。收費我覺得合理(驗血、照MRI及Dexa)，不算貴， 如有需要我會介紹朋友去睇。 簡評: 個人觀感- 詳盡親切、耐心施診 經歷過程- 醫生會清晰明確的講解其病情 推介意見- 已視為本人的必然選擇