Dr KONG YIM FAI, ALBERT

Share experiences about this doctor — clinic visits, wait times, and tips.

• Fimama6/10·1 Aug 2013, 15:15

  身邊朋友對江醫生COMMENT一半半，但為左小朋友濕疹都要一試。預左要等, 但可以接受因為診所環境OK。坦白講, 醫生第一次睇連衫仔都無叫除黎睇，又唔問家庭背景，一知為濕疹而黎，竟然係立即開個自製POWERPOINT，講解濕疹點點點，然後就推介6、7種產品俾我。我開頭無乜反應，竟然講完又講，好似唔想放你出去咁.....唉，最後我揀左兩款比較合用的，診症進度就加快，醫生連聲線都開朗D，連佢本身開D藥都叫護士開盒大既、一整枝。 佢賣既產品出面大型日用品店、藥房都有，都預左比佢賺少少，但一比較差不多每樣貴1百蚊，令我好失望；佢自己開既藥我唔夠膽話唔好，但其他產品唔使賺咁盡囉，你估D病人傻架咩.....我既意見係，如果你對其他SELL0既產品有保留，就等俾錢個刻先話唔要，費事因小事而令自己D藥都衰D。我最後埋單$8XX，一半係產品錢，值唔值，見仁見智了。 簡評: 個人觀感- 普普通通、中規中距 經歷過程- 醫生會從病人出發去提供意見 推介意見- 可能人夾人緣自己衡量