Dr KWAN TZE HOI

Share experiences about this doctor — clinic visits, wait times, and tips.

• Renal patients10/10·22 Jun 2026, 04:00

  關子凱醫生早幾年已退休，現在係永遠榮譽顧問醫生。早年關子凱醫生初為醫時，曾接受電視訪問，講明要在公營醫療機構服務市民，到佢退休時仍在公立屯門醫院。佢約2000~2010年左右，時任屯門醫院腎科高級醫生，呢個職位係未有醫管局前、即衛生署管理時設立，當年未有副顧問醫生，只有MO醫生 / SMO高級醫生 / Consultant 顧問醫生。而當年SMO高級醫生，係較現時副顧問醫生，薪酬更高地位更高。因為醫管局為挽留醫生離職，六年專科考試合格，正式成專科醫生後，即時升為副顧問醫生，但當年衛生署時高級醫生，基本每個專科只有一位，其餘好多有專科資格醫生，可能留任十幾年，都係普通專科醫生MO，所以當年SMO高級醫生，經驗及地位都係稍高，當然最高就係顧問醫生啦 ! 關醫生無架子好健談，病人一般對佢印象好好。當年其專科部門區德璋顧問醫生，對於病人的我感覺印像一般，唔會點同病人講笑較嚴肅。但以我所知區醫生，對下屬一班醫護好好，工作上處事上醫護反而、較喜歡區醫生，會話關醫生收症及處事方面，較為令下屬無所適從 !? 我亦有被關醫生會診過，向佢提出好多問題都一一解答，我未夠50歲想打流感疫苗，佢都簽紙俾我，在同層注射室立即注射，其他醫護紛紛錯愕及反對，可能就此其下屬不太適應? 對於病人來說關醫生係好好，真係睇得出佢出心對病人。現在關醫生已榮休，希望佢好好享受觀鳥，及家庭生活，祝關醫生一家人身體健康，開心愉快 ! 簡評: 個人觀感- 醫術精湛、鉅細無遺 經歷過程- 求診病人實在太多，等候需時 推介意見- 已視為本人的必然選擇