Dr CHIU LAI WAH

Share experiences about this doctor — clinic visits, wait times, and tips.

• dadamatrix4/10·9 May 2012, 17:29

  我本來一直都睇呢位醫生，都覺得幾好，佢除左兒科，普通門診都睇，我見係女人，都幾細心，所以一直都睇佢，次次都等個幾鐘，之前都見到有家長走黎鬧過話佢地配錯藥，我以為單一事件就無理會。 前幾個禮拜，我因為胸口附近痛就走去睇佢，佢話我淋巴炎，又話摸到幾粒瘤，就開左抗生素俾我，點知食完我仲痛左，仲痛到我呼吸困難，咁又去睇，佢話可能未消炎，又開兩隻勁d既抗生素俾我，點知我食完都唔好，仲成身無力，同埋其他地方都痛，我又去睇，跟住佢竟然話我做乜度度都痛，係咪做野壓力好大？即係話我扮野，博病假，又話唔知我咩事，幫我唔到。 我就走去搵專科外科，點知個外科醫生話＂你無可能係淋巴炎，個個位都無淋巴，應該係筋膜炎,我無啦啦俾呢個醫生要我食左個幾禮拜抗生素！仲要醫唔好,所以一定唔會再幫襯.... 簡評: 個人觀感- 有欠詳盡、耽誤病情 經歷過程- 醫護之語調態度令人無所適從 推介意見- 本人絕對不會再作光顧