Dr Chui Kit Sum Christina

Share experiences about this doctor — clinic visits, wait times, and tips.

• Aiden3/10·12 Jan 2017, 04:00

  本人當日發緊燒轉數比較慢，一入診所門口聽唔清楚姑娘講野，問多聲，其中一位姑娘已經對我比較冇禮貌。 之後入到去睇醫生，醫生全程都冇正面望過我一眼，可能你會話醫生忙好多野寫，但睇其他醫生總會望你一眼問下你有咩唔舒服，之後先自己寫字，所以我覺得醫生幾冇禮貌。 之後同佢講發燒頭暈頭痛，佢竟然去同姑娘傾計，唔知有冇聽到我講野。佢同姑娘傾完計，又重頭問我一次有咩唔舒服.......詢問完一輪之後，你好坦白同我講唔知我咩病，但佢完全冇打算幫我搵出唔舒服的原因，剩係開特效抗生素俾我，我唔知咁樣算唔算濫開抗生素，但開藥時冇同我講特效藥要加幾錢，埋單先知要加多$100，仲要保險唔包。 食完藥之後冇好過，之後仲嚴重左，可能係我賤人不配貴藥。 簡評: 個人觀感- 有欠詳盡、耽誤病情 經歷過程- 求診病人實在太多，等候需時 推介意見- 可能人夾人緣自己衡量