Dr WONG HOR YUNG

Share experiences about this doctor — clinic visits, wait times, and tips.

• Yuen10/10·10 Aug 2021, 04:00

  由細睇到大既醫生 因為之前幾年有保險包轉左第二個醫生 最近全身生紅疹睇保險包果位醫生睇咗兩次越嚟越差 本來諗住約皮膚科但係太急全部都要一個月後 諗起自己幾歲嘅時候都試過有皮膚病 黃醫生一睇就知道我係天皰瘡 所以係唔知搵邊個最徬徨最痕最唔舒服嘅時候 決定咗返去睇一直以來最信任嘅兒科醫生笑 結果黃可用醫生一睇就知道我係玫瑰糠疹 然後為咗確認仲開埋皮膚科嘅書同我一齊睇 之後再同我開uv light照確認 因為另一個醫生比我嘅類固醇藥膏其實已經搞到我嘅紅疹血肉模糊，啲形狀變晒顏色又唔同但係佢都可以一眼認得出 以前細個去睇成日都大排長龍要等幾個鐘 但係今次一預約就有，去到仲要拍晒烏蠅 我走咗之後嚟多兩位客人都係大人 可能而家已經冇乜小朋友或者小朋友留喺屋企冇咁易病 但係都覺得好可惜一個咁好嘅醫生冇人識！ 黃醫生開完藥俾我之後幾日已經好返晒， 但係為咗支持佢同埋等自己安心啲我都有去複診因為如果唔係佢我睇專科仲貴, 或者繼續睇保險包嗰個醫生個病情就會越嚟越差，希望大人細路touch wood有咩事都可以去睇佢唔好因為兒科就唔相信佢，因為佢真係好有經驗好有才能好細心好有醫德嘅好醫生！如果大家有咩奇難雜症佢一定會幫到你！ 簡評: 個人觀感- 醫術精湛、鉅細無遺 經歷過程- 醫生會主動探索其病因及治療 推介意見- 已視為本人的必然選擇

• Oscar10/10·23 Jun 2013, 04:00

  很好 Report By Seedoctor iphone Apps