Dr Chow Tsz Fai

Share experiences about this doctor — clinic visits, wait times, and tips.

• Kay9/10·6 Apr 2022, 04:00

  由於我啲牙比較多問題，所以非常長篇，但100%真實分享，希望幫到大家。 我2021年尾咬爆咗隻牙，跟住見疫情又有一年都冇洗過牙，爆咗牙面嗰隻牙又鬆鬆地，諗住應該唔係好嚴重掛？所以驚朋友介紹上咗周醫生度第一次見面。 喺診所見完醫生就照左啲3D Scan + x ray，再經姑娘細心講解，（佢直頭開埋PowerPoint, 又教我點刷牙，make sure我有正確使用牙線同牙縫刷開始），我感覺到呢間診所，同出面嗰啲我睇過嘅牙醫真係好唔一樣。 我以前睇嗰啲牙醫洗完牙就會開單收錢，呢度洗完牙佢真係會教你點樣好好地保護啲牙齒。我以前以為啲牙有問題嘅人先要用牙縫刷🙏🏻 唉，如果我早啲可以遇到呢個牙醫就好。 我去過周醫生度好幾次：整牙、複診、再照laser scan；老實講，見醫生嘅時間係好少嘅，但係佢哋嘅姑娘非常專業而且好醒目亦都好快手！令到天生真係非常怕睇牙醫嘅我克服左唔少嘅恐懼。 咁我由細到大啲牙都唔係幾好啦，睇完一次之後，醫生好詳細講解咗我嘅情況，直頭係有晒好清楚嘅電腦掃描，睇到每一隻牙嘅情況，亦都提供咗好多嘅建議同埋之後嘅治療選項，叫我好好地諗吓打算點做，過程裡面完全冇hard sell. 同時，我都比較左其他一兩間嘅診所，但由於種牙/植牙嘅價錢大家都差唔多，我睇完第一次感覺OK，於是就約埋洗牙同埋做牙套（我啲牙比較多問題⋯⋯） 由上年年尾到今日（6/4/2022）我睇過呢個醫生都差唔多有10次。就算係剝大牙再鑽螺絲，微創手術後，竟然一粒止痛藥都冇食過！！！我以前試過到牙根同埋整牙套，嗰啲牙醫雖然起碼都有35-50歲，但係感覺佢哋唔單止唔係好熟手，仲好似驚過我🤪；但周醫生就超老練（雖然佢唔老），就算做微創手術落螺絲，都係15至20分鐘完成！令我恐懼嘅時間減至最短。 開頭見佢嘅診所主要係幫人箍牙，做牙套同埋其他嘢會唔會冇經驗呢？而家諗返轉頭係完全唔需要擔心！不過有一樣野係周醫生都冇幫我做嘅，就係到牙根，佢話我嘅情況比較複雜，最好搵個專科睇吓，咁佢就轉介我去睇另一個醫生。呢樣嘢我都好欣賞佢，如果覺得自己唔係最在行（？），寧願轉介比其他同行。 我覺得睇醫生同好多嘢都一樣，真係人夾人，但係我見到啲人留言話咩「轉介信都要收幾百蚊、醫生好貴」等等，其實香港人普遍都冇諗過，一個醫生讀咁多年書，尤其係專科，其實你睇邊個醫生入一入門口，無論做啲乜嘢坐低都要起碼比$600至1000 ，呢個都係基本收費🙏🏻。如果唔想花咁多錢睇醫生，真係要好好打理自己嘅牙齒同身體🙏🏻🙏🏻🙏🏻 祝健健康康🙏🏻🙏🏻🙏🏻 簡評: 個人觀感- 醫術精湛、鉅細無遺 經歷過程- 醫護人員親切有禮的提供協助 推介意見- 已視為本人的必然選擇