Dr Yuh Meei Cheng

Share experiences about this doctor — clinic visits, wait times, and tips.

• Thomas Chan10/10·7 Jan 2025, 04:00

  我媽媽2024年尾發現有乳癌。我地冇相熟醫生，經朋友介紹睇鄭醫生。常當時上網search下鄭醫生search唔到任何comment，心諗at least冇負評，反正都會揾多一兩個醫生問意見，去睇下先啦。 鄭醫生俾我第一感覺係，對病人好有禮貌，對老人家好有耐性。講說話好慢，老人家都容易明白佢嘅說話。佢唔係冇醫生嘅氣勢，有時講說話都幾到肉，但串都串得好有禮貌。去左覆診幾次，我媽媽又好多口水，感覺上唔似睇鄭醫生，似揾朋友多d。過程愉快。 講真，大多數醫生嘅醫術差不多，當然有d特別屎。作為一個病人，我地唔需要一個超級神醫，只需要一個穩陣，做事細心，肯耐心講解病情，願意解答問題俾病人知嘅醫生。還記得媽媽第睇佢，鄭醫生睇晒d report，同我媽媽講，“唔洗驚，有得醫嘅”我唔知係咪一個事實，但病人聽到好安心。更加重要係，收費合理，沒有胡亂收費。我地唔係大富人家，又冇保險，1蚊都係錢。 政府醫院最後俾個期都唔耐，一個月已經有得做手術。但我媽媽話，佢好信鄭醫生，所以唔需要睇第二個醫生，冇保險都想揾佢做。我再三强調，我地唔係大富人家，又冇保險，1蚊都係錢。但病人有信心係好重要，所以我地最終將我媽媽交託俾鄭醫生同上帝，感恩做完手術幾個鐘已經落床。 我知道好多人都有乳癌，可能佢地都係六神無主。我寫呢個post係希望佢地遇幫到佢地嘅醫生。 簡評: 個人觀感- 醫術精湛、鉅細無遺 經歷過程- 醫生會清晰明確的講解其病情 推介意見- 值得向有需要人仕推介