Dr Wong Tak Chuen

Share experiences about this doctor — clinic visits, wait times, and tips.

• Kam Lam5/10·27 Jul 2022, 04:00

  因膝蓋受傷預約求診，候診室唔多人，但症與症等候時間好長，都唔知攪咩。見到醫生打算講述受傷過程，唔知醫生鍾意吹水講嘢定係咩原因，講咗好耐都係講廢話扮風趣，終於入正題，建議照MRI，開咗啲藥物等報告再覆診，等候取藥期間，姑娘一係只顧低頭㩒電話，一係就同等候中嘅經紀吹水，同個醫生一樣扮風趣。 同日照完MRI就收到電話話緊急要約明天返去覆診，覆診時醫生話十字韌帶斷咗建議要做手術，講咗一大輪就問我攞保險單話幫我睇下可以claim到幾多，我話要聯絡下agent先，返去諗下要唔要做手術。出到又去等咗一輪，姑娘就同我講醫生已經幫我hold咗個快期手術位，依家幫我book埋入院時間，問我要住咩等房，簽埋手術同意書，準備埋claim form俾我帶入院就可以。我話要諗下先唔一定要做，可能會拎second opinion，姑娘話咁佢要問下醫生先，出嚟後話醫生想見多我一次叫我再入房。我堅持趕時間拎報告要走，佢竟然話報告係醫生網上睇嘅未送到診所，要收到報告時再通知我上去拎，或做手術時醫生幫我拎入院，不知所謂，浪費我時間要我走嚟走去 簡評: 個人觀感- 普普通通、中規中距 經歷過程- 只知取藥付費，未能盡釋疑慮 推介意見- 可能人夾人緣自己衡量