Dr Tong Bik Sai Bessie

Share experiences about this doctor — clinic visits, wait times, and tips.

• cc10/10·29 Apr 2026, 04:00

  家人及自己都搵過唐醫生做治療,包括脫疣同玫瑰痤瘡laser 唐醫生每次都非常有耐性地詳細講解病因同治療方法,連治療過程都非常用心有耐性,完全唔會覺得趕住做,而且手勢非常溫柔,治療過程會不斷講做緊咩,會問有冇唔舒服 唐醫生係我見過咁多個最用心最有醫德嘅皮膚科醫生 有皮膚問題當然會唔開心,但唐醫生好明白皮膚病嘅困擾同心情,每次見醫生同做治療時都俾到一份滿滿嘅安心感同信心我,令我覺得有皮膚問題都唔怕,放心交俾醫生處理,每次治療都覺得心情輕鬆,可以像朋友一樣傾偈 本人自細已經睇過好多皮膚科醫生,好開心終於遇到一位好好嘅醫生🧡 簡評: 個人觀感- 詳盡親切、耐心施診 經歷過程- 醫生會清晰明確的講解其病情 推介意見- 已視為本人的必然選擇

• Tsang10/10·5 Mar 2024, 04:00

  近日發現腰背後，生了一粒東西，因本人曾患癌，担心有事，後經朋友介绍，约見唐醫生。 唐醫生親切友善，詳細問症及檢查。說是老人斑，可鑑察住先。唯因生於背後，照鏡也難看清楚，加上本人獨居，所以主動要求唐醫生切除。 唐醫生清楚詳細解釋2種手術方法及利弊，本人選了其中一種。手術當日，在過程中(手術约1小時)，唐醫生很细心，每一步驟也清楚講解及詢問，當中也有輕鬆閒聊，使本人也很放鬆。在過程中，本人覺得唐醫生很有經驗、專業及関心病人，使本人安心放心。 感謝唐醫生的仁心仁術，值得推薦。 簡評: 個人觀感- 醫術精湛、鉅細無遺 經歷過程- 醫生會清晰明確的講解其病情 推介意見- 已視為本人的必然選擇

• Cheung10/10·17 Sept 2022, 04:00

  其實男人老狗，我不嬲都唔太著重外表。但塊面同身都開始越嚟越多粒粒，起初我都大安旨意無理。最近連眼皮都有，攪到眨眼都覺得唔自然同唔舒服。最後就的起心肝去搵醫生睇，經朋友介紹我去睇唐碧茜醫生，診斷我眼皮、面及身體的粒粒係扁平疣。原來疣係病毒會傳染，唔怪得我越嚟越多，越嚟越大粒，我之前仲以為係癦屎。 之後唐醫生以激光幫我去除啲疣。雖然我啲疣數量唔少，但唐醫生都好有耐性同細心咁幫我妥善處理。即使我係一個大男人，但一聽到用激光，我個心都有啲怯會唔會好痛呢？尤其眼附近嗰啲。但經唐醫生深入淺出咁詳細解釋後，我個心都定啲，而唐醫生手勢亦都好好，細心又溫柔，眼皮啲疣都做得好精準。整個激光治療過程我都唔多痛。而家啲疣都清晒，又無疤痕。同事見我做前做後嘅對比，而且見我成功claim到保險，都問我send醫生卡片攞脫疣醫生推介。 簡評: 個人觀感- 醫術精湛、鉅細無遺 經歷過程- 醫生會清晰明確的講解其病情 推介意見- 已視為本人的必然選擇

• S. CHIU10/10·9 Sept 2022, 04:00

  由細到大皮膚都唔係特別好，加上疫情，差唔多戴咗口罩三年，搞到面部皮膚好敏感。成日都好易紅，有時吉吉痕痕，有時會發滾，面部皮膚粗糙咗，圍住下巴成日都有啲粒粒。搞到心情都好鬱悶，好炆憎。 初初以為係濕疹，我搽咗濕疹藥膏好似好啲，一停藥就變本加厲。成日諗住疫情過後唔使戴口罩，皮膚就會好返，一直拖拖拉拉。 好彩之後同事介紹我睇唐醫生。佢好耐心聽我講我嘅病徵，檢查之後原來我係玫瑰痤瘡。佢詳盡解釋生活上細節有乜嘢要避忌，又叫我停晒所有類固醇藥膏。唐醫生好仔細咁解釋搽藥膏、食藥丸、做玫瑰痤瘡血管激光嘅好處及風險。由於我個肝唔係幾好，我唔想食藥。於是唐醫生處方非類固醇嘅玫瑰痤瘡藥膏。我唔想再拖，請唐醫生安排之後做血管激光。 做激光期間一啲都唔痛，做完當日返工見人完全冇問題！ 搽咗藥膏，做咗幾次血管激光之後，面部皮膚真係大大改善咗！完全冇痕癢，冇以前咁易紅卜卜，皮膚好似滑咗咁。最意外收穫係，連啲陳年荷爾蒙斑好似都減淡咗啲啲！皮膚好咗，而家豁然開朗咗！ 題外話：唐醫生好斯文認真，但係都幾搞笑。我問佢我做完激光係咪會好似你啲皮膚咁好？佢話：我呢啲係化妝品喬裝再戴口罩遮住，返咗屋企個樣冇人認得㗎！ 簡評: 個人觀感- 仁心仁術、醫德高尚 經歷過程- 醫生會清晰明確的講解其病情 推介意見- 值得向有需要人仕推介

• Lexi Lam10/10·8 Jun 2018, 16:50

  唐醫生是我第五個找的皮膚科醫生，但是我第一個女醫生，她對我病情解釋得非常詳盡，雖然未知藥膏是否對我有效，但我非常推介唐醫生! 簡評: 個人觀感- 詳盡親切、耐心施診 經歷過程- 醫生會清晰明確的講解其病情 推介意見- 已視為本人的必然選擇

• Lexi Lam10/10·8 Jun 2018, 04:00

  唐醫生是我第五個找的皮膚科醫生，但是我第一個女醫生，她對我病情解釋得非常詳盡，雖然未知藥膏是否對我有效，但我非常推介唐醫生! 簡評: 個人觀感- 詳盡親切、耐心施診 經歷過程- 醫生會清晰明確的講解其病情 推介意見- 已視為本人的必然選擇

• 梁小詩10/10·15 Apr 2018, 22:07

  腳版底生了一粒硬塊，走路時隱隱作痛，平時較少穿高踭鞋，加上硬塊内有些黑點，覺得好奇怪，應該唔似係雞眼（因為唔係隻腳受壓位置）。 去了看唐醫生，她診斷了是一粒疣，並可以用激光脱疣。她是一位很關心病人的好醫生，手術過程中會時不時輕聲問我痛不痛（其實麻醉後也沒感覺）。手術後也用心叮囑我要注意的事項，非常難得。 簡評: 個人觀感- 仁心仁術、醫德高尚 經歷過程- 醫生會清晰明確的講解其病情 推介意見- 優質醫療服務理應如此

• 梁小詩10/10·15 Apr 2018, 04:00

  腳版底生了一粒硬塊，走路時隱隱作痛，平時較少穿高踭鞋，加上硬塊内有些黑點，覺得好奇怪，應該唔似係雞眼（因為唔係隻腳受壓位置）。 去了看唐醫生，她診斷了是一粒疣，並可以用激光脱疣。她是一位很關心病人的好醫生，手術過程中會時不時輕聲問我痛不痛（其實麻醉後也沒感覺）。手術後也用心叮囑我要注意的事項，非常難得。 簡評: 個人觀感- 仁心仁術、醫德高尚 經歷過程- 醫生會清晰明確的講解其病情 推介意見- 優質醫療服務理應如此

• 葉小姐10/10·26 Mar 2018, 17:29

  受灰甲困擾已久，一直勤力搽藥水都不成功 一旦停藥便馬上復發，非常頑固 上網看到網友分享能用激光去灰甲，於是便一試。 唐醫生用儀器仔細幫我撿驗，然後接着做激光，過程沒有痛楚(大概是因為有麻醉)。 激光療程後，我察覺到新長出的趾甲外觀有非常明顯的改善，再沒有顏色異常或變厚，終於能穿回涼鞋。感謝唐醫生！ 簡評: 個人觀感- 仁心仁術、醫德高尚 經歷過程- 醫生會從病人出發去提供意見 推介意見- 已視為本人的必然選擇

• Chi Lam10/10·7 Mar 2018, 12:27

  診症日期: 2018年2月-- 求診目的: 皮膚疾病 脂肪瘤 診金收費: ~ $ 5000 輪候時間: 需預約等候片刻 選尋原因: 初次光顧