Dr CHAN KUNG NGAI

Share experiences about this doctor — clinic visits, wait times, and tips.

• Peter1/10·16 May 2022, 04:00

  因為鼻塞多個月所以去法國醫院見陳功毅耳鼻喉科醫生 並帶備電腦素描檢測報告與底片. 第二次覆診陳醫生建議做手術, 但沒有講清楚做手術的後遺症只是叫護士給我簽同意書並沒有向我解釋切除下鼻甲骨手術的風險. 手術當天進入手術室還問本人有冇帶備電腦素描片,給我的印像是毫無準備 ,沒事前通知病人帶備電腦素描片以準確衡量切除鼻甲骨的位置及多寡,沒評估手術可帶來嚴重的風險。手術後引致本人有空鼻症及其嚴重的副作用 ,而這些副作用 根本不能修補的, 嚴重影響本人呼吸系統, 睡眠，專注能力及整體生活質素 . 這位老牌醫生毫無醫德, 對病人福祉毫不關心，亦缺乏應有的專業評估及更新其專業知識 簡評: 個人觀感- 診效不顯、收費不稱 經歷過程- 醫護之語調態度令人無所適從 推介意見- 本人絕對不會再作光顧

• aa1/10·26 Mar 2021, 04:00

  想同樓下𠴱位姊妹講，你唔係唯一嘅受害者，我好多年前都係喺陳x毅醫生度做鼻中膈彎曲手術，後悔莫及，情況同你一模一樣，由側面睇同昂高頭都會見到兩邊鼻骨明顯凹咗落去，看起嚟異常瘦削怪異，試過同陳醫生反映但佢堅持鼻睇落無問題，仲反過r嚟話我心理有問題，話我情緒緊張影響視力，我當時以為真係自己大反應，宜家諗番返覺得呢個醫生簡直荒謬！哩個問題困擾咗我好多年，令到我好驚俾人見到側面。 欣賞你會搵醫院對質，你無做錯到，如果你睇到嘅話介唔介意contact我? (chiuh920＠gmail.com) 簡評: 個人觀感- 態度有失、醫德有損 經歷過程- 醫護之語調態度令人無所適從 推介意見- 本人絕對不會再作光顧

• 面好痛1/10·16 May 2020, 04:00

  真係極唔開心，為左呢件事抑鬱左好耐，最心寒係醫生同聖德肋撒醫院既態度完全係極差同敷衍、完全無責任心、仲要好多大話，完全唔係真心為病人。 上年8月搵陳功毅醫生做鼻中隔彎曲手術，問過佢做完會唔會鼻塌左，佢話唔會，但做完之後鼻背真係明顯塌左，圖： https://imgur.com/YR9mKCF 唔係話塌到無哂，但已經影響左個外觀好多，於是約陳功毅醫生想同佢傾下點解會咁，係咪拎得太多軟骨出黎，又send左個email補充返好多前後既相同資料，亦都有講到明唔係為賠償，只係想有個交代同睇下可唔可以有咩方法變返之前咁 但去到見果日佢第一句就話唔明顯，好小事，又話我已經簽左手術同意書，話我已經同意左會有併發症風險，但睇返手術同意書上面寫「鼻樑塌陷只係少於<1%既風險」，跟住我激動同佢講明明塌得好明顯，個鼻無左一忽咁，跟住佢又激動話咪打返十年八年官司，睇下告唔告得入，話我簽左同意書架，我心諗而家紅官當道法律仲有公義咩，跟住我話佢無醫德，佢又話要告我誹謗 當時吳護士長都在場，佢係完全幫住個醫生，無論我講乜佢同個醫生都係咁打斷我，我都係想問係咪個手術拎得太多軟骨出黎佢地又完全唔答，亦無幫我檢查過個鼻，之後個護士長叫我出去同佢搞投訴既野，話到時等個醫療顧問評理，但之後我問個護士長會點樣幫我搞，佢話佢會將今日聽到既野呈返上去，內容無必要同我交代，我話我發出既投訴我都唔可以知內容?佢就話我既然唔信佢就唔會幫我搞啦，心諗wtf，真係覺得好委屈 跟住我send email去行政部投訴，得到既答覆都係好敷衍，只係話我手術有簽同意書同意有併發症架，醫生檢查過發現塌陷唔明顯 (根本無檢查過)，同埋佢唔係整容醫生幫我唔到。我打返去問唔係話會交個case比個顧問醫生分析既咩，行政部就九唔搭八話叫我親自約診個顧問醫生同比1000蚊診金，話面對面傾會清楚過書面回覆，心諗即係無pass我個case比個顧問醫生，我問可唔可以再同陳功毅醫生傾返當日手術既事，行政部就直截了當話唔可以，又話已經無野需要同我交代就收左線。 如果陳功毅醫生當日肯好聲好氣同我講手術係有風險會搞到咁，我都會gur返d慢慢接受，因為係網上都見有d人分享過自己做呢個手術後會變saddle nose，但佢比我感覺就係「你咪去告我，法律上告我唔入因為你有簽同意書」，而且醫院既對待病人既態度都係好敷衍同惡劣，完全無良心同同理心唔係真心幫病人，出左事都唔會負責，投訴都無用因為間醫院都係包庇返自己人，唔會公平公正去處理投訴，應該要交代既野就避而唔答，淨係識講官腔野，似足班高官。咁大間醫院但成間黑店咁，令我對香港d醫療好無信心。網上面search 一直以黎都唔太敢係網上講件事出黎，一黎驚醫院果邊會唔會外洩我d資料啊相果d(如果我send比佢地d相真係有外洩到一定係佢地做既了)，二黎驚又告我誹謗，雖然我講既全部係事實，但而家法治根本信唔過，我亦無佢賺咁多錢有得打十年八年官司，但都覺得應該要分享返自己經歷，同提醒你地無乜必要真係唔好開刀做手術，有併發症如果你個醫生無良心既未必會負責，亦都自己衡量下應唔應該同呢間醫院做手術。同埋鼻中隔手術真係會有塌鼻既風險，可以睇下呢條 https://iface4ever.pixnet.net/blog/post/87681191-%E9%BC%BB%E4%B8%AD%E9%9A%94%E6%89%8B%E8%A1%93%E5%BE%8C%EF%BC%8C%E9%BC%BB%E5%AD%90%E6%9C%83%E4%B8%8D%E6%9C%83%E5%A1%8C%E6%8E%89%EF%BC%9F 或上網search「鼻中隔彎曲手術 塌陷／馬鞍鼻」或" Saddle Nose Deformity after Septoplasty" ，亦都見過有人分享做完個手術個鼻通返但過幾年因為個鼻愈黎愈塌又塞返，應該睇過哂d資訊先決定值唔值得做。 簡評: 個人觀感- 態度有失、醫德有損 經歷過程- 醫護之語調態度令人無所適從 推介意見- 本人絕對不會再作光顧