Dr Fong Sau Yee

Share experiences about this doctor — clinic visits, wait times, and tips.

• 訪客1/10·18 Jan 2017, 04:00

  我本人其實都睇過方醫生只係做婦科檢查覺得佢手勢幾好所以先refer左比我朋友.不過我朋友搵佢做手術去切除脂肪瘤. 本來我朋友冇諗住做呢個手術住因為佢本身係外國工作1月8號要返去(佢12月尾去睇方醫生嘅) 但係方醫生同佢講話可以幫佢book到浸會醫院而且只需要一兩日就可以康復所以我朋友就搵咗佢做呢個手術.手術喺1月3號做,都一切正常順利過渡不過呢個係惡夢嘅開始. 我朋友過咗兩日複診方醫生幫佢檢查傷口(傷口喺下體小便附近.當時傷口係缝住咗)然後話佢見到傷口入面有D瘀血所以要幫佢整出嚟..咁佢就用刀撬開嘗試將瘀血放出嚟嗰時我朋友都唔知有乜反應唯有信方醫生.最後方醫生都放唔到啲瘀血出嚟反而開咗個傷口.然後方醫生仲好似冇乜反應叫我朋友起身着返褲.朋友已經感覺到有啲唔妥然後佢起身嘅時候發現有血一滴滴流出來我朋友當時好驚所以只係喊.方醫生一啲都唔緊張反而護士見到嘅時候問方醫生會唔會幫佢止血因為佢流緊血..方醫生仲話因為位置敏感同傷口好細所以唔會幫佢缝返.佢都完全冇俾任何解決方法俾我朋友只係同佢講返屋企Fu冰又叫佢去藥房買一隻可以洗傷口既野.我朋友問佢可唔可以開比佢,醫生話佢診所冇呢樣野叫佢自己係藥房買.又話見到佢咁驚幫佢寫放多14日㗎啦 之後我朋友去左藥房搵嗰樣嘢發現原來嗰樣嘢已經停產左一年!!!!!!佢當時已經覺得好沮喪唯有返屋企Fu冰休息. 過咗一晚,我朋友朝早去洗手間仍然發現傷口有血.. 我想話比大家聽呢啲冇醫德嘅醫生只係為咗赚你D錢快手快腳搞掂成件事就算.病人呢個時候最需要鼓勵同支持佢竟然講啲咁嘅嘢仲耍走佢咁嘅態度..完全無理個病人嘅感受... 真係好失望. 唔知嚟緊方醫生會點只係希望佢快啲好返...... 簡評: 個人觀感- 態度有失、醫德有損 經歷過程- 醫護之語調態度令人無所適從 推介意見- 本人絕對不會再作光顧