Dr YUEN HUI CHIU, ALFRED

Share experiences about this doctor — clinic visits, wait times, and tips.

• 灰甲6/10·23 Dec 2021, 04:00

  今日去睇隻腳指甲，佢話有灰甲同有香港腳，二話不說就話要開消炎藥同埋灰甲藥俾我，從來都冇問過我個肝有冇事，我跟住問佢啲藥會唔會對個肝有事，佢先話有可能，有乜理由個醫生唔預先同個病人講做開一啲可能對個肝有影響嘅藥比病人？跟住我話可唔可以唔食藥，咁佢話淨係搽藥膏。 我覺得佢冇問清楚病人有乜嘢病，就即刻決定用什麼藥，佢冇諗過啲藥會有機會對病人有影響。有啲失望！ 我之前睇嗰啲醫生，佢見我係灰甲，會問我個肝有冇問題，再同我傾吓會唔會食藥，因為啲人會對個肝有影響。如果唔係我睇過之前嗰啲醫生，我都唔識得問呢個問題！ 個重點係佢冇先問清楚病人有冇其他疾病或者藥物敏感，就即刻話要開藥比病人，我唔係專業醫護人員，我真係唔知咁樣係咪對病人最好，大家可以自己諗吓？ 簡評: 個人觀感- 普普通通、中規中距 經歷過程- 需要自己主動提出較多的諮詢 推介意見- 可能人夾人緣自己衡量