Dr CHIU MAY LI MOIRA

Share experiences about this doctor — clinic visits, wait times, and tips.

• EL10/10·12 Jun 2023, 04:00

  本人因為牙瘡久久不癒而求診，上網找到了趙醫生，第一次感覺醫生十分專業，經照X光後已發現本人的問題，然後細心為本人解釋及診症，xray價錢加藥費十分合理，是十分有醫德的醫生 簡評: 個人觀感- 醫術精湛、鉅細無遺 經歷過程- 醫生會清晰明確的講解其病情 推介意見- 已視為本人的必然選擇

• Chris2/10·23 Sept 2021, 04:00

  半年前，因食野咬中雞骨，導致大牙崩缺。在街坊介紹下，搵呢位牙醫補牙… 補牙前，醫生叫先落藥水，等兩星期睇下有無痛，先再補牙。途中不斷 Sale 做根管治療，俗稱「杜牙根」 ($250)，聽到我都覺得煩… 兩星期後，因為落藥水後唔痛，就開始補牙，途中醫生又係不斷 Sale 我做「杜牙根」……… 完成補牙後，出去比錢時護士就話我隻牙好難補，結果收我 $700… 大牙難補 OK，我明白，最緊要補到… 點知當晚麻醉一完，補牙附近牙肉就痛到瞓唔到… 照鏡發生痛楚位置，有類似刀痕嘅傷痕，大概幾 mm 吧… 痛瞓都瞓唔到，就梗係返去睇… 但一見醫生，醫生就話係你生飛滋啫！但我話生飛滋唔會痛到瞓唔到掛？ 況且即日補完牙，當晚附近就生嚴重飛滋？當然醫生無答我，同個助手齊齊死話係我生飛滋… 然後開左兩款止痛藥同漱口水比我，再收我$250… 就當了事…… 食完堆藥，當然唔痛喇！因為止痛藥… 但食晒堆藥，之後一兩個月都有微微痛，往後已經唔敢用補牙個位進食… 直到最近，發現微微痛消失，以為身體適應左… 當試去用補牙位置咬菜心，就出事了！成隻補牙個位已經甩左… 痛嘅原因，應該就係補得差… 唔痛，就係因為個補牙位快甩……咁？？？ 前後花左 $250+$700+$250 = $1200 結果搞完一輪，痛完一輪，半年來無用隻補牙咬過硬野…右邊補牙，我主要係靠左邊食的… 點知最後半年就甩，又要重新補？？ 不斷 Sale 人杜牙根？無錯，幾乎每個睇牙嘅人，我都聽到佢 Sale 杜牙根… 因為堆病人睇完都會出黎同身邊人講！ 睇唔睇自己考慮！呢個牙醫真係唔會再睇！ 簡評: 個人觀感- 態度有失、醫德有損 經歷過程- 診証時間極其急趕，快來快去 推介意見- 本人絕對不會再作光顧

• Mr chan1/10·14 Sept 2020, 04:00

  幾年前係趙美莉到cool牙 好後悔,當時啲牙仲有哨牙，醫生就用好多說話迫我快啲簽份同意書拆牙cool，又話啲牙無得整，已經係咁。 幾年之後，愈黎愈哨，牙la又cool唔埋，成日sip野食。要去第二間牙醫到再cool過。 真係唔建議大家去幫襯，我既經歷令到我時常後悔同埋影響情緒。 簡評: 個人觀感- 態度有失、醫德有損 經歷過程- 醫護之語調態度令人無所適從 推介意見- 本人絕對不會再作光顧

• Tyy10/10·27 Nov 2017, 04:00

  簡評: 個人觀感- 仁心仁術、醫德高尚 經歷過程- 醫生會從病人出發去提供意見 推介意見- 已視為本人的必然選擇

• 訪客1/10·7 Nov 2015, 04:00

  箍牙醫生叫我補左蛀牙先箍， 咁就貪佢最快有時間就去左呢位牙醫到補牙， 箍牙牙醫比左x光我去睇牙醫， 佢講明，任何牙醫一睇就知點補，輕輕補就得了。 去到個到，護士都幾好人，等左一陣就叫名入病房， 我以為有得睇啦，點知一開病房門， 就見到趙牙醫幫其他整牙，omg！ 我就訓起另一張病床到睇&聽住啲整牙聲咁等佢， 個種感覺，係一隻等住比人(湯)既豬， 望住其他豬比人(湯)，心驚膽顫ˊ_>ˋ 等左陣就到我了，咁我去到就拎住x光比牙醫睇， 話埋比佢知補邊到，佢都係吾明要補邊到， 其實個下我應該走，走其他地方補， 但個時只想補好牙，可以食野， 佢就拎個鑽起勢咁鑽，重點係，我留意到佢無洗手！ 整完上一個病人就立刻放入我個口到Σ（ﾟдﾟlll） 整左一陣就放左藥入去，叫我2星期後無痛先補， 如果吾係就杜牙根。 之後又指住張x光話，您個4隻智齒要脫曬佢呀！ 脫左您臉型會靚啲嫁！重說幫我book時間脫牙。 好彩我推左。 (箍牙牙醫講明千奇吾好脫智齒，因為我有缺牙， 個啲智齒分分鐘能可以救我一命，免去植牙， 叫我只能脫一隻橫生智齒。) 兩星期後，我就翻去補牙， 今次吾知佢有無洗手，因為上一手無病人， 我只係知道，佢比我個膠片眼鏡係濕既！ 佢個膠片眼鏡，只係一個支架，再加啡色膠片⋯⋯ 完全吾係平時睇牙醫用開個啲硬膠護目鏡。 咁就訓低問有無痛有無飲冷熱水會酸， 咁答無就開始鑽開補，補完走前想問多小小野， 已經見到佢起到用手提電話， 佢重話「您下星期都見箍牙醫生，你問佢啦！你箍牙脫牙既時候都翻梨啦！」 個下聽到，我着左火，就比錢走，已經吾打算再來。 點知惡夢先梨， 補牙物料未夠一日就甩左啲出梨， 啲邊位又𠝹口，omg，我知翻去補係吾洗比多次錢， 但趙牙醫既態度同衛生真係差到不予置評， 點敢再翻去補？ 我寧願再比多次錢去其他牙醫到整整個邊位， 睇下可吾可整出來再重新補過， 希望聽日順順利利，ˊ_>ˋ 吾會再去！ 簡評: 個人觀感- 態度有失、醫德有損 經歷過程- 醫護之語調態度令人無所適從 推介意見- 本人絕對不會再作光顧

• Katie6/10·2 Sept 2015, 15:25

  "暫評為不詳實報告,訪客以不同身份重覆發表報告" 現正進行核查中 , 此報告有可能會被刪除簡評: 個人觀感- 態度有失、醫德有損 經歷過程- 求診病人實在太多，等候需時 推介意見- 在無其他選擇下可一試-->

• Moss1/10·2 Sept 2015, 15:17

  簡評: 個人觀感- 態度有失、醫德有損 經歷過程- 醫護之語調態度令人無所適從 推介意見- 本人絕對不會再作光顧

• Moss1/10·2 Sept 2015, 04:00

  簡評: 個人觀感- 態度有失、醫德有損 經歷過程- 醫護之語調態度令人無所適從 推介意見- 本人絕對不會再作光顧

• Katie6/10·2 Sept 2015, 04:00

  "暫評為不詳實報告,訪客以不同身份重覆發表報告" 現正進行核查中 , 此報告有可能會被刪除

• tess1/10·30 Jul 2015, 16:55

  診所衛生狀況極差，工具沒有消毒， 一個病人岩岩出黎，立即叫下一個病人入去， 牙醫非常貪錢，務求以最快的速度睇最多病人， 因為佢好快book到期，年少無知時去過幾次， 次次佢隻手套同工具都超臭，佢補牙極馬虎， 佢補完的牙，牙粉一定會崩同甩，因為佢慳料， 用最少的牙粉同你補牙。 有一次叫話我有一隻牙蛀得好勁，叫我快d返黎補， 跟著我下次睇佢時，佢連x光片都唔照， 同我鑽開左開左兩隻牙，佢似乎揾唔到蛀牙， 跟住心虛咁問心我:你其實今日黎做咩架？ 走果時仲收我補兩隻牙既錢，仲要補到勁難睇， 由於我之前諗住箍牙，照過口腔全片， 所以我好肯定我果兩隻牙係健康，冇蛀過。 簡直係一間黑店，好希望佢畀人釘牌， 佢好鐘意以美容角度遊說人剝智慧齒，話剝完塊面尖d, 衣種講法好無稽，因為決定塊面尖定闊係關乎於下顎骨， 而唔關齒槽骨事的，佢咁講除左冇常識外，最主要 的原因都係想賺你錢。 簡評: 個人觀感- 態度有失、醫德有損 經歷過程- 求診病人實在太多，等候需時 推介意見- 本人絕對不會再作光顧