Dr HO CHUN SING JOHNSON

Share experiences about this doctor — clinic visits, wait times, and tips.

• Maggie10/10·22 Jun 2021, 04:00

  我全家銅鑼灣診所睇左好多年，何醫生手勢好好，有醫德，做緊不時問我O唔OK，有咩唔妥要舉手示意，收費合理 ，最近洗過牙$480，補過牙$600，試過有一次隻蛀牙好深好大，何醫生照完X光詳細解釋，話如果蛀入咗神經，就補唔到，又杜牙根又要牙套（要成萬幾蚊🥲），好彩最後何醫生幫我整咗好耐，$1500補返先，雖然何醫生話唔定將來可能都要杜牙根，好彩touch wood 而家年幾都冇事，收費均真，而且唔會hard sell ，做之前已經解釋牙齒發生咩事，講清楚所有不同方法利與弊同埋收費係幾多，唔會做完先講幾多錢。 何醫生亦細心💕，有次我着短裙去睇牙，佢好細心叫姑娘攞張被幫我冚着隻腳，驚我訓低走光😆。診所地點方便，銅鑼灣地鐵站一出就見到，診所環境乾淨，睇牙時天花仲有電視分散注意力冇咁緊張，值得推薦，我介紹咗比我啲同事，佢哋都話👍🏻 簡評: 個人觀感- 醫術精湛、鉅細無遺 經歷過程- 醫生會清晰明確的講解其病情 推介意見- 值得向有需要人仕推介

• 訪客10/10·2 Mar 2017, 04:00

  我和家人已經在筲箕灣光顧多年，洗牙唔痛，但病人較多，也經常要等一兩個，但勝在價錢比較便宜$350洗牙，普通洗牙補牙我個人覺得ok，最大鑊試過有次上面隻衰智慧齒突然勁痛，本來好驚，但係最後好快剥左都唔知，事後都不須要食止痛藥。醫生手勢快、唔痛。 簡評: 個人觀感- 判症快捷、合情合理 經歷過程- 求診病人實在太多，等候需時 推介意見- 值得向有需要人仕推介

• 訪客4/10·21 Jun 2016, 04:00

  診所環境不錯，天花裝有電視，但洗牙過程極快，感覺牙齒未有完全清洗乾淨，整過洗牙過程不足十分鐘。而洗牙結束後醫生則建議預約其診所的牙周病治療，但不作任何有關病症的講解。在詢問有關及後治療的問題時，診所姑娘亦顯得有點不耐煩。 簡評: 個人觀感- 普普通通、中規中距 經歷過程- 診証時間極其急趕，快來快去 推介意見- 總體來說已算合格