Dr CHAN TAT, EDDIE

Share experiences about this doctor — clinic visits, wait times, and tips.

• See Yu4/10·20 Jul 2015, 16:53

  19號個日我個女發燒燒到38 - 39度, 因為已經係中午時間, 我平時睇開o既醫生已經full booking, 唯有搵哩位陳達醫生, 打去姑娘話可以睇唔駛預約, 咁我同老婆即刻搭的士去診所, 當時係上午11:30分, 去到登記, 姑娘話要先探熱, 不過要等15分鐘先, 怕外面太熱會影響準確性, 我地就等到11:45, 佢就探啦, 結果係38.7, 佢話算高燒, 要等2個人之後到我。咁成個診所都係4個人等緊,其中一個係等拎藥。我想等2個應該好快, 點知就出事, 我等到12:15完全冇人出入醫生房, 覺得有d奇怪, 再等多15分鐘都係冇叫人。個時我個女都已經喊晒，我同老婆就問姑娘究竟醫生做緊咩, 完全冇人出入我地只可以呆等, 姑娘話醫生開緊藥, 我地即時好嬲咁問佢開咩藥要開一個小時?之後姑娘就拎個探熱針出黎又探多次, 之後話會跟進。最後我地都唔等佢話佢地個診所離晒譜就決定去其他診所了。出左門口佢地又有個護士走出黎話醫生知道我個女係高燒, 而家可以睇佢..........我即刻話「我個女高燒唔係一個小時後佢先知」, 而家我話走佢先話可以睇, 哩d醫生醫德好極有限! 大家想睇佢之前真係要考慮清楚。 簡評: 個人觀感- 態度有失、醫德有損 經歷過程- 醫護之語調態度令人無所適從 推介意見- 本人絕對不會再作光顧

• WD6/10·9 May 2015, 06:27

  電話預約咗8點半但醫生成9點9先到，佢返到嚟仲要唔係即刻睇，睇就快，但隔勁耐先睇第二個，bb係第二個睇，睇完十點幾囉，如果係返唔到既就唔好俾人預約咁早，等緊既都係病人，見其他病人都等得好辛苦，到攞藥又仰等勁耐，到bb睇時又唔細心，係咁易就算 簡評: 個人觀感- 態度有失、醫德有損 經歷過程- 診証時間極其急趕，快來快去 推介意見- 在無其他選擇下可一試

• kklee7/10·19 Mar 2015, 21:39

  本人是在1年前係屯院醫生推薦下看陳醫生，起初感覺他很cool，不太多言。後來看多幾次下發現他也是有問必答，而且能詳細解釋本人的病況。到現在已成為本人的固定醫生。 收費方面，真的每次也不同，問過他們的診所經理，她說收費是看病人看什麼而定，普通傷風感冒和兒科專科和家庭醫學專科3種收費是不同價，診所也有貼出收費價目表 個人認為專科收費是ok，和中環的專科醫生比，以一個大學副教授的收費而言是偏低 看了那麼多次，平均5次便有一次會向我推薦打什麼什麼針，多數是政府資助的年長者需要打的流感針 肺炎針等等 唯獨最不能接受的是每次有預約準時到達也要等超過45分鐘 簡評: 個人觀感- 普普通通、中規中距 經歷過程- 求診病人實在太多，等候需時 推介意見- 想充分掌握病情者應試

• 會員 momosau8/10·27 Jan 2014, 13:40

  bb睇傷風, 唔算太細心, 藥效一般, 同意下面, 每次去都有叫我買嘢, 上次買咗噴鼻鹽水, 又有一次買咗cream for baby, 今次去叫我打流感針. 每次診金都不一, 好古怪, 有兩次比多罐奶粉我, 我話唔要, 佢話免費, 但就收$480, 對上一次收$320. 有次我配藥膏, 佢配的份量少咗一半, 但收我百幾蚊, 我投訴點解少一半, 好彩醫生的經理都肯聽, 仲親自比返足份量我. 但就好怪囉,次次海鮮價! 簡評: 個人觀感- 普普通通、中規中距 經歷過程- 求診病人實在太多，等候需時 推介意見- 在無其他選擇下可一試

• A. Fung4/10·5 Aug 2012, 23:40

  星期日屋企附近只有這診所工作, 所以就帶我男友到該診所看症. 我們預約了晚上九點十分並準時到達, 卻等到十點二十分才可入去看診!! 男友耳朵塞了, 覺得聽不清楚. 醫生用耳探機先看右耳, 其間並無為耳探機消毒, 就再看左耳. 診斷為右邊耳朵發炎. 那剛剛沒消毒的耳探機不就將病毒由右耳傳到左耳嗎??! 言談間得知男友是法藉華人, 就開始sell 我們暗瘡薬!! 天呀, 我從沒有見過有醫生會sell patient 佢無要求受診斷的病証! 我覺得佢毫無醫德可言, 態度較像美容院sales. 聽日會幫男友book 另一個醫生覆驗! 永遠不會到此診所. 簡評: 個人觀感- 態度有失、醫德有損 經歷過程- 求診病人實在太多，等候需時 推介意見- 本人絕對不會再作光顧