← Back to list
Dr CHAN WAI KUEN, EDITH
HK rank
#448
Specialty rank
#34
Score
6.6/10
Comments: 27 · Score 6.6/10
- Clinic / hospital
- 旺角中心
- District
- Yau Tsim Mong
- Address
- 旺角中心
- Phone
- —
- Source
- seedoctor.com.hk
Discussion
27 commentsShare experiences about this doctor — clinic visits, wait times, and tips.
Filter by rating
本人於三十年前曾患乳癌，幸獲陳醫生施手術，至今託賴一切安好。 至2020年9月陳醫生發現本人罹患卵巢癌，由於腫瘤已擴散腹腔，若非得陳醫生協助及時獲得悉切的治療，恐怕後果堪虞。 陳醫生事務繁忙，仍不忘關心病人情況，再生之德，本人及家人銘感於心。 簡評: 個人觀感- 仁心仁術、醫德高尚 經歷過程- 醫生會從病人出發去提供意見 推介意見- 已視為本人的必然選擇
胸部有硬塊，十分擔心想搵醫生仔細檢查。 上網見到陳醫生有咁多好評，就去睇佢。 點知…姑娘同醫生嘅態度都10分惡劣，超級冇耐性。 問多一句都唔得，抽針都10分趕時間！ 唔好話基本醫徳，我諗連做人嘅同理心佢都冇！ 第一次遇到啲咁差嘅醫生！ 我真係好疑惑啲好評係邊度嚟？ 簡評: 個人觀感- 態度有失、醫德有損 經歷過程- 醫護之語調態度令人無所適從 推介意見- 本人絕對不會再作光顧
上年七月身體檢查,發現乳房有瘤,呢位陳醫生話應該係良性,但個shape唔係好靚, 仲有陰影。八月,佢幫我抽幼針,無抽粗針,報告顯示良性,但同時註明結果存在唔少不確定性。 當時陳醫生沒有再抽針再檢查,只係建議做手術,我問左一句係唔係一定要依家做,可否聖誕假期做,轉個頭姑娘打黎話可以等多四個月。 於是我響十二月再去照超聲波, 個陣陳醫生話個瘤既shape都係唔靚,要月尾做手術,但仍然無再抽針檢查個瘤係良性定惡性。 十二月底做左第一次手術,做完陳醫生都無話有問題,我於是開心返屋企。點知幾日後,手術既組織化驗報告出黎,話個瘤係惡性。無癌變有癌。我晴天霹靂。 於是陳醫生就叫我響今年既一月,即兩個禮拜後, 做第二次手術, 割埋近癌細胞發現位置既乳管,同埋驗淋巴。第二次手術進行之前,要打同位素黎驗淋巴。因為第一次手術既傷口未好,要遞高隻手,痛到我死去活來。 第二次手術期間,即時化驗結果話淋巴無事,於是除左額外既乳管組織同埋挑出黎既前哨淋巴,就咩都無割到。我就咁涯左第二刀。要接受兩次全身麻醉。 第二次手術後,陳醫生同我屋企人講話已經徹底清除癌細胞,病人以為終能釋懷。點知響之後既詳細顯微鏡觀測下,發現淋巴原來都有輕微擴散。額外割既乳管反而發現唔到癌細胞。 另外, 陳醫生響手術第二日就將掛響我腋下,用黎收集淋巴液既樽拔走,簽我出院。我之後液下積水,傷口腫左,抽左兩次水都未搞掂,情況持續至今。。。 另外,陳醫生解釋報告好求其。終極報告出爐後,我問佢係乳癌第幾期,佢話你應該係一至二期,安全起見可以當自己係第二期,但經徵詢腫瘤科,發現原來只係一期A。我響睇腫瘤科同自己上網查證之前,都淨係知道自己中左乳癌, 咩 T1, N1min, N0, grade 2, 通通都唔知, 陳醫生都無解釋清楚, 淨係識話有d瘤好難判斷。大佬,如果咁易就判斷到就唔使搵醫生你啦。。。 簡評: 個人觀感- 有欠詳盡、耽誤病情 經歷過程- 需要自己主動提出較多的諮詢 推介意見- 本人絕對不會再作光顧
醫生説話雖然精簡，但如果你問題清楚，她亦很樂意回答，抽針手細好好，姑娘亦很有禮貌，整體好滿意 簡評: 個人觀感- 經驗豐富、絕不拖症 經歷過程- 醫護人員親切有禮的提供協助 推介意見- 值得向有需要人仕推介
完全不給予解釋 也不給你詢問時間 只叫你等報告 報告出了也沒有詳盡解釋 只說抽針報告是良性纖維瘤不用做手術。 但由於我嘅腫塊太大粒 最後我另外再搵第二個醫生 新的醫生一睇就話要立即做手術。現在做完手術， 報告出來後是葉狀腫瘤 好在是還是良性 不然就嚴重了。 簡評: 個人觀感- 態度有失、醫德有損 經歷過程- 只知取藥付費，未能盡釋疑慮 推介意見- 本人絕對不會再作光顧
從未試過寫錯評，但實在意難下。 1月求診係因為之前check到胸部有粒野，比3年前大左，作為病人好擔心去專科求醫睇下洗唔洗切。 但醫生好串，話3年前你唔搞，3年後都唔洗搞啦。 我當時真係好嬲。覺得呢位醫生講野好唔專業，亦唔明白病人憂慮心情。之後好hea咁打發我走。 之後因爲要向保險公司claim反錢，要醫生幫忙填少少資料。但姑娘回覆竟然要收$1500醫生先肯幫手。我睇佢醫療費都係$700😫 我真心覺得好無奈同覺得無醫德。 簡評: 個人觀感- 態度有失、醫德有損 經歷過程- 醫護之語調態度令人無所適從 推介意見- 本人絕對不會再作光顧
從未試過寫錯評，但實在意難下。 1月求診係因為之前check到胸部有粒野，比3年前大左，作為病人好擔心去專科求醫睇下洗唔洗切。 但醫生好串，話3年前你唔搞，3年後都唔洗搞啦。 我當時真係好嬲。覺得呢位醫生講野好唔專業，亦唔明白病人憂慮心情。之後好hea咁打發我走。 之後因爲要向保險公司claim反錢，要醫生幫忙填少少資料。但姑娘回覆竟然要收$1500醫生先肯幫手。我睇佢醫療費都係$700😫 我真心覺得好無奈同覺得無醫德。 簡評: 個人觀感- 態度有失、醫德有損 經歷過程- 醫護之語調態度令人無所適從 推介意見- 本人絕對不會再作光顧
曾搜尋資料見有人說這裡的姑娘態度差，但今日遇到完全不是，她們都很有禮貌和親切。陳醫生經驗豐富係好好醫生。 簡評: 個人觀感- 經驗豐富、絕不拖症 經歷過程- 醫生會從病人出發去提供意見 推介意見- 值得向有需要人仕推介
曾搜尋資料見有人說這裡的姑娘態度差，但今日遇到完全不是，她們都很有禮貌和親切。陳醫生經驗豐富係好好醫生。 簡評: 個人觀感- 經驗豐富、絕不拖症 經歷過程- 醫生會從病人出發去提供意見 推介意見- 值得向有需要人仕推介
本人十六年來一直睇陳醫生，醫生由一年兩次要我檢查至近年一年一次。近幾年Reception的姑娘態度愈來愈差。 前天致電預約，姑娘hold我電話放音樂叫我等，音樂停了她拎起電話扮講完野，問我聽吾聽到，我答聽吾到，佢講左幾句又叫我hold再放音樂，音樂停了再次問我聽吾聽聽到，如是者一共玩弄我三次，又說醫生吾幫人做檢查，…最後佢給予日期是2018年12月，我問佢到了2018會否記得有我的booking，佢話係噤㗎啦，無辦法，語氣非常挑機。 我十六年來醫療記錄全部由陳醫生醫務所保留，一下子陳醫生不看舊症為我帶來不便。 若果醫生只管接手術新症，賺了最大筆錢，相對覆診費用比手術費少錢，而術后不作跟進，只安排病人往公院跟進，算不上有醫德。手術后跟進同樣重要。 簡評: 個人觀感- 判症快捷、合情合理 經歷過程- 雖則過程簡捷，診效尚算明顯 推介意見- 本人絕對不會再作光顧