Dr CHOW KAI PUN, Benjamin

Share experiences about this doctor — clinic visits, wait times, and tips.

• Ivan Wong10/10·9 Jun 2020, 04:00

  兩年前運動意外整傷左膝，紅腫脹痛行唔到，公司醫療保險包物理治療，即時睇完做超聲波消炎就唔痛。但過兩日又痛返，之後物理治療師轉介去中環睇周醫生，診所好靚好舒服，見完門診再轉介去照完MRI，診斷出半月板撕裂，需要做手術。 雖然醫生有預計過呢個情況同比左心理準備我，但咁大個仔都未試過全身痳醉做手術，當然有些少緊張擔心。其實係一個好簡單既小手術，但醫生都非常耐心講解病情、手術詳情、跟進復康等，令我非常放心。 最後同姑娘夾期, 拎quotation，同向藍十字預批賠償，最後預約左銅鑼灣聖保祿做手術。環境非常好，設備好新，姑娘職員態度都好親切，星期五2點半入院，星期六12點出院，total 埋單6萬蚊。手勢非常好，好快埋口，傷口2-3cm 到，一個星期後已無需拐杖，覆診洗傷口，做物理治療，訓練返四頭肌，依家行得走得，做運動無問題，多謝周醫生。 簡評: 個人觀感- 仁心仁術、醫德高尚 經歷過程- 醫生會清晰明確的講解其病情 推介意見- 值得向有需要人仕推介