Dr HO KAI KEUNG

Share experiences about this doctor — clinic visits, wait times, and tips.

• 周女仕7/10·9 Nov 2022, 16:52

  醫生很快，清晰，不明白醫生說是收5千大元，到姑娘收費要多1100元，已經聽聞姑娘亂收費，姑娘解釋是保險填表費，因用保險關係，我也不想費時跟姑娘爭議。 我知道打疣有1次免費再打未清位置，當天再約期時，有位金色頭髮肥胖身型姑娘說須要明年1或2月才有，當時覺得等得太久沒有再約，怎料我朋友竟然預約到11月尾，因為不須要付費要等3，4個月？ 亂收費，拒絕約証，姑娘胡亂到止地步我第一次親身經歷。 簡評: 個人觀感- 醫術精湛、鉅細無遺 經歷過程- 醫生會清晰明確的講解其病情 推介意見- 優質醫療服務理應如此

• 王先生6/10·15 Sept 2022, 22:40

  醫生正常，不明白姑娘可以隨意改動收費，明明說好收費，交費時姑娘話唔包，要另加，之後同姑娘講叫我等一陣再入房問醫生，出到黎好嬲又話今次醫生唔收，下次一定再收，係咪姑娘有commission所以改動價格，睇完醫生要問清楚收費，唔好俾出面姑娘亂收錢。 簡評: 個人觀感- 普普通通、中規中距 經歷過程- 診証時間極其急趕，快來快去 推介意見- 在無其他選擇下可一試

• 薛生6/10·12 Aug 2022, 23:55

  當天開會遲左到，盡趕到去5：45，點知俾出面個肥白婆姑娘話好阻醫生收工，鬧到我勁無面，我都唔好意思，入到去同醫生say sorry，醫生勁好人話無所謂，通常睇晒先走，下次叫我自己app佢，話幾點到就得，唔通醫生知道佢地咁既態度對病人，所以叫我自己app佢？之後我仲問如果差dd好返可唔可以配藥，何醫生話可以，不過我通常星期一先放假，何醫生個日都放，佢話都可以去攞藥，因為有姑娘係到，到出去等攞藥，問返配藥想星期一攞，出面個2個白婆姑娘話唔得，真係好想問佢地係咪唔想做，何醫生知唔知佢地唔俾星期一攞藥，又同病人講5點半收工，無病人都唔使要姑娘，仲要係態度咁差個d肥姑娘。最後都無再配藥，唔想再對住不知所謂姑娘。 簡評: 個人觀感- 醫術精湛、鉅細無遺 經歷過程- 求診病人實在太多，等候需時 推介意見- 在無其他選擇下可一試

• 黃小姐8/10·30 Jun 2022, 20:41

  相隔一排濕疹又發，無咩皮膚專科診金咁平，雖然姑娘態度非常差，只好再去，唔知係咪俾人投訴得多，終於有個態度好既姑娘，登記時非常有禮貌，細細粒心地好，我漏叫醫生開病假紙，佢二話不說立即同我跟進，相比收銀個個高廋平就差得遠，我幫埋我朋友攞藥，叫佢俾個袋我，佢笑笑口話配藥無袋，之後話今次特別俾你下次無，我見住之前有個大聲叫佢俾袋又唔見佢出聲，欺善怕惡，成個笑面虎，希望下次睇返何醫生，可以見返細細粒姑娘，成日笑住，有咩都會搵佢幫手 簡評: 個人觀感- 普普通通、中規中距 經歷過程- 雖則過程簡捷，診效尚算明顯 推介意見- 總體來說已算合格

• Ms Ho10/10·26 Mar 2022, 21:18

  醫生態度真係幾好嘅，起碼無高高在上。Nice 等又唔耐，解釋得幾清楚，無sell 任何野，我問洗唔洗驗血佢解釋到唔洗，唔會要你做D 額外野。態度真心好，姑娘亦跟得好好，會話你知你第幾。 簡評: 個人觀感- 健談友善、感覺良好 經歷過程- 醫生會清晰明確的講解其病情 推介意見- 已視為本人的必然選擇

• 沈小姐10/10·16 Sept 2021, 16:09

  睇咗何醫生幾年，介紹過朋友同屋企人睇過，對何醫生嘅評價都好好。 好認真問症睇症，收費合理，唔會獅子開大口，係一位良心醫生，啲姑娘態度都好好👍🏿 簡評: 個人觀感- 詳盡親切、耐心施診 經歷過程- 求診病人實在太多，等候需時 推介意見- 不可多得，值得等待

• Ching10/10·21 Jun 2021, 18:09

  多年來皮膚面上有好多問題，包括濕疹, 座瘡, 發炎, 皮炎, 睇了十多年所謂專科皮膚科醫生， 都不能確實有效地改善， 失望十多年，突然感覺人生好幸運，遇到一個好好何医生， 去嘅醫術用藥非常非常準確， 絕無架子收費合理， (說明我不是打手), 希望在這裏幫到有需要求救皮膚病嘅人 簡評: 個人觀感- 仁心仁術、醫德高尚 經歷過程- 求診病人實在太多，等候需時 推介意見- 值得向有需要人仕推介

• Tommy10/10·5 May 2021, 11:39

  何醫生非常好 收費合理 簡評: 個人觀感- 醫術精湛、鉅細無遺 經歷過程- 求診病人實在太多，等候需時 推介意見- 已視為本人的必然選擇

• 會員 peter0010/10·13 Apr 2020, 19:24

  係上年十月開始龜頭炎 睇左好多次醫生 前一個醫生睇完仲嚴重咗 所以一直好灰 最後轉咗睇何醫生 雖然都睇咗幾次 但有慢慢好轉 而且多次上網查問 都會得到耐心解答 而家已經就黎康復曬 多謝何醫生 簡評: 個人觀感- 詳盡親切、耐心施診 經歷過程- 醫生會從病人出發去提供意見 推介意見- 已視為本人的必然選擇

• 會員 Titan CHENG9/10·9 Mar 2020, 13:29

  該病已困擾本人一年多，醫生診症簡明扼要，用藥到位，療程大約兩星期，暫時冇復發 簡評: 個人觀感- 判症快捷、合情合理 經歷過程- 醫生會清晰明確的講解其病情 推介意見- 值得向有需要人仕推介