Dr WONG WAI MAN

Share experiences about this doctor — clinic visits, wait times, and tips.

• Mandy10/10·5 Feb 2025, 04:00

  一直幫我打開針嘅醫生提早退休，唯有要搵其他醫生，呢位黃醫生網上評語全部都話好好，我都有啲半信半疑，有冇造假呢，即本洗幾百蚊見一見 去到個診所，成間美容院咁，如果唔係前台姑娘好有禮貌，我真係想立即走….. 好彩我冇走到 真係 “never judge a book from its cover” 這個醫生講嘢係有啲急燥，不過解釋好全面，聽得出好有經驗同埋心得⋯⋯唔 會叫我做呢様做嗰樣，打瘦面都打咗幾次，之前嗰個醫生（都係專科醫生）完全冇講解咁多，今次真係好似聽書咁，原來打瘦面有咁多學問 見完醫生之後，立即打針 醫生手細真係好專業好溫柔👍⋯⋯我打咗咁耐針最少痛嘅一次🙂️⋯⋯收費仲要好公道!值得推薦嘅醫美醫生🙂️ 簡評: 個人觀感- 醫術精湛、鉅細無遺 經歷過程- 醫生會從病人出發去提供意見 推介意見- 已視為本人的必然選擇

• Ms Li10/10·3 Nov 2023, 04:00

  舊年暑假帶阿女見咗黃醫生，我哋聽佢嘅意見等到今年阿女畢咗業，先做雙眼皮手術 黃醫生話阿女開埋眼頭會靚啲，不過阿女驚成個樣唔同咗，我哋最後決定只做雙眼皮，醫生好好，冇因為我哋只做一個手術就求其，反而，佢好細心同阿女劃位，模擬效果俾我哋睇咗幾次，態度又好仲好專業 阿女話打針一啲都唔痛，成個手術醫生同姑娘都好照顧佢，而家做完手術一個月，效果真係好自然 ！ 黃醫生同姑娘們，超贊👍 簡評: 個人觀感- 醫術精湛、鉅細無遺 經歷過程- 醫生會從病人出發去提供意見 推介意見- 值得向有需要人仕推介

• CK10/10·16 May 2023, 04:00

  多得這個網頁提供嘅資料，可以搵到黃醫生幫我做鼻翼手術 闊鼻翼同埋鼻哥窿大，困擾左我好多年，上網睇咗好多資料，但係一直都冇膽去搵醫生做手術…….. 好多謝黃醫生非常專業嘅意見，同埋鼓勵我去做切除式手術，佢講得好啱，手術代價係有疤痕，但係我個鼻翼咁闊咁大，點化妝都冇用，反而疤痕，都仲可以化妝遮掩，所以我下到決心做……….而家做完手術四個月，疤痕一啲都唔明顯，同事都發現我做咗手術，唔係因為見到疤痕，係因為效果太好，鼻順眼咗好多，同事個個都贊 黃醫生真係好好技術，又細心，傷口只係小小痛，之後護理資料又好清楚，絕對值得推薦 簡評: 個人觀感- 醫術精湛、鉅細無遺 經歷過程- 醫生會清晰明確的講解其病情 推介意見- 值得向有需要人仕推介

• Ms Li10/10·7 Jul 2022, 04:00

  我同老公都係雙眼皮，但係阿女就單眼皮，由細到大成日俾人問係咪親生…..一直想搵可靠嘅醫生幫佢做雙眼皮，曾經去過養和醫院睇好出名嘅馬醫生，唔知係咪佢太過權威，講解得好簡單，我同阿女都唔太鍾意…… 眼見仲有一年，佢就畢業，就要搵工，見網上好多人贊呢位黃醫生，就帶阿女去見佢……女醫生真係細心好多！佢首先問阿女自己想唔想由單眼皮變雙眼皮，檢查得好仔細，然後同我哋講解眼皮結構、阿女嘅眼形、手術點樣釘雙眼皮，原來阿女有蒙古摺 ，黃醫生話蒙古摺其實好普遍，但係蒙古摺會影響雙眼皮嘅形狀和高度，醫生見我哋完全唔識，就俾咗好多相片俾我哋睇，仲用工具線喺阿女眼皮模擬出雙眼皮，俾我哋更加清楚睇到手術後嘅效果，醫生同我哋足足傾咗成個幾鐘 醫生最後建議阿女畢業之後先至做手術，可以唔使擔心俾同學知道嘅壓力，醫生唔單只細心、經驗豐富、而且真心為病人著想 最後我一定要大贊醫生嘅姑娘劉姑娘，傾電話好有禮貌好好傾，診症嗰日好親切，見完醫生，送我同阿女出去仲特登問我哋要唔要去一去洗手間先⋯⋯醫生好，姑娘都特別好👍 簡評: 個人觀感- 仁心仁術、醫德高尚 經歷過程- 醫生會從病人出發去提供意見 推介意見- 已視為本人的必然選擇

• Avril10/10·23 Nov 2021, 04:00

  9年前已經找黃醫生，幫我做雙眼皮，當時做完效果好滿意，隨住年紀大 化妝習慣，導致眼皮鬆弛，雙眼皮向下垂！現在再次找醫生，重修雙眼皮！黃醫生好專業細心，還很溫柔咁向我分析講解，令我9年前相片紀錄，都有keep低開返，比我睇來同我分析！醫生叫我想清楚，決定是否覺得有需要要重修，一點不hard sell！值得推薦黃慧敏醫生 簡評: 個人觀感- 詳盡親切、耐心施診 經歷過程- 求診病人實在太多，等候需時 推介意見- 已視為本人的必然選擇

• Hay10/10·6 Aug 2021, 14:26

  診症日期: 2021年6月9日 求診目的: 專科治療 Nose tipping 診金收費: ~ $ 800 輪候時間: 需預約準時 選尋原因: 本網評譽參考

• Hay10/10·6 Aug 2021, 04:00

  我從來未試過公開讚一個醫生，但係黃醫生實在好好，而且我發覺喺香港好難搵到有關整形外科嘅資訊。我幾個月前搵左黃慧敏醫生做左修鼻翼及修鼻頭手術，而家大致上已經康復而且覺得非常滿意！ 做手術之前做咗好多research，亦都有諗過飛去台灣或者韓國做，因為看似價錢平好多，點知其實真係問起上嚟嘅時候，發覺原來唔係嗰一回事，好似我呢啲小手術，如果喺台灣韓國做可能又要住院，機票啦酒店啦等等呢啲費用，其實仲大開支過喺香港做。加上唔做資料搜查都唔知道原來好多美容院嘅醫生都未必可信，因為好多都係普通科醫生，後來先發現做呢類型手術最好要搵返內外科醫生會比較專業。個人喜歡女醫生，純粹認為女性嘅美態觀感女醫生可能會較清楚女性喜歡什麼。最後我選擇咗黃慧敏醫生，醫生實在好好，好專業，我原本以為自己隆鼻會更佳，後來經過醫生嘅專業分析，佢建議我問做收鼻翼手術及修鼻頭手術會更佳，並不需要隆鼻。同時會同你評估風險利弊，完全用醫生角度出發，好有耐心而且會講解得好清楚，同埋手術係喺一個專業無菌嘅手術室進行，同埋有好先進嘅儀器，我仲記得佢同我貼咗好多帖子喺身上係止血嘅，而且我只係揀咗局部麻醉狀態去做，但係完全一啲都唔痛喎，成個過程都唔係好見到有血。完全唔係美容院嗰啲啦。之後仲會定時安排複診，成個過程好放心，而且收費合理. 簡評: 個人觀感- 醫術精湛、鉅細無遺 經歷過程- 醫生會清晰明確的講解其病情 推介意見- 值得向有需要人仕推介

• Ken10/10·2 Aug 2021, 22:55

  因為鼻部有唔滿意地方而去咗睇黃醫生尋求專業意見，黃醫生同本人分析自己情況，給予不少專科醫生角度的意見，這些都是不能從網上得知的，醫生最後建議我不需做任何手術，而醫生和護士十分親切友善也令我留下深刻印象。十分感謝你們 簡評: 個人觀感- 詳盡親切、耐心施診 經歷過程- 醫生會清晰明確的講解其病情 推介意見- 已視為本人的必然選擇

• Ken10/10·2 Aug 2021, 04:00

  因為鼻部有唔滿意地方而去咗睇黃醫生尋求專業意見，黃醫生同本人分析自己情況，給予不少專科醫生角度的意見，這些都是不能從網上得知的，醫生最後建議我不需做任何手術，而醫生和護士十分親切友善也令我留下深刻印象。十分感謝你們 簡評: 個人觀感- 詳盡親切、耐心施診 經歷過程- 醫生會清晰明確的講解其病情 推介意見- 已視為本人的必然選擇

• Mmc10/10·6 Jul 2021, 13:30

  診症日期: 2021年6月2日 求診目的: 專科治療 診金收費: ~ $ 800 輪候時間: 需預約準時 選尋原因: 其他網絡途徑