Dr Chow Wing Cheong, Louis

Share experiences about this doctor — clinic visits, wait times, and tips.

• Miss.Man10/10·30 Mar 2021, 04:00

  今年1月尾發覺胸部有硬塊， 搵周醫生檢查，初診就知係罕見葉狀腫瘤， 診斷非常準 。醫生安排我盡快做手術 (因為腫瘤大過5cm, 而且大得好快 ,等做手術短短6日，又大咗， 真係要同時間競賽)，好幸運能遇上周永昌醫生，周醫生非常有醫德、沒有架子，有耐性同專業， 佢嘅醫療團隊都好專業，尤其是診所姑娘，個個都好好人，好關心病人。手術好順利，第二日就出院。 簡評: 個人觀感- 仁心仁術、醫德高尚 經歷過程- 醫生會清晰明確的講解其病情 推介意見- 值得向有需要人仕推介

• 訪客1/10·13 Aug 2017, 04:00

  《病情》一邊乳房生左個瘤0.6cm 一入房，周醫生語氣好急問左幾句，之後話有3個可以揀：可以觀察住或者抽野化驗又或者照磁力共振（無詳細解釋我帶去既x光片同超聲波既報告）。跟住叫我瞓上床，佢動手檢查下。 檢查完話可以先觀察。 再問我怕唔怕痛（我話：怕！） 你怕就唔好抽針（我問：係咪好痛架？），佢話：係！會好痛！ 跟住佢就話，你咁怕痛，不如做磁力共振，磁力共振都貴要成8千，佢一味話我怕痛又話抽針化驗都唔平又話可以一次過照晒兩邊乳房，又話抽左針就唔可以返轉頭做磁力共振。 我要知化驗同磁力出既報告有咩唔同我問多句佢就開始唔耐煩。 最後，我揀觀察住先!!! 以上，由見醫生到我出返黎都無10分鐘。第一次見醫生，醫生都會詳細先了解下病人再分析報告分析問題，周醫生！無囉！佢太忙無時間囉！ 佢俾我印象……”想拿拿聲見完收錢到下一個” 仲有一樣野，我已經另睇一名外科醫生W, W話磁力共振一般唔會做住，係好特別須要先要照!! W同我抽幼針，感覺似抽血一樣，唔係好痛。由入房見醫生到抽針，大約20分鐘!! 分享我既經歷係唔想有人似我一樣，book左幾個星期終於見到周醫生啦以為可以知多啲問多啲啦，點知…錯晒!! 信唔信，睇一次$1800（基本診金）你會知道！ 簡評: 個人觀感- 有欠詳盡、耽誤病情 經歷過程- 診証時間極其急趕，快來快去 推介意見- 可能人夾人緣自己衡量