Dr LAU YEE LAM, EILEEN

Share experiences about this doctor — clinic visits, wait times, and tips.

• yanemk1/10·18 Jul 2016, 04:00

  病情細節我就不在此公開了~~ 當我講完自己情況, 醫生個頭向下郁左一下+扁咀, 話"我覺得冇可能", 即係唔信我有呢個情況? 當我老作? 呢個情況我唔係第一次發生, 我之前睇嗰位醫生幾好但太難book我又唔想太遲睇先試下睇第二個, 點知就中伏了, 循例除褲訓上床檢查, 完全係求其按兩下肚, 再粗魯地伸手摸幾下下體就話"得喇, 著返褲"跟住乜都冇講, 完全係敷衍了事, 我唔係第一次睇婦科, 正常係會一路按落去一路問邊個位痛或者有冇痛, 比佢檢查完就話驗小便, 然後遞個file比我(示意我出去等), 我再問"呢個情形會唔會機會子宮內膜異位? 我有朋友o既朋友試過同類case" 佢都係再答我"驗左睇下點先, 我覺得冇可能會咁" 佢仲要郁多下膊頭, 扁多次咀, 繼續遞住個file, fing住示意我出去~ 佢醫術高唔高明我唔知, 淨係知佢態度係十分惡劣, 讀醫嗰陣冇教佢要理埋病人感受, 冇教佢要尊重病人?! 呢d醫生真係不知所謂, 一d醫德都冇! 請問邊忽值HK$1200診金? (利申: 我有用醫療咭) 一個診金HK$200的普通科醫生都問你比你詳細, 第一次黎睇, 佢連最基本的有冇食煙飲酒同做咩工作都冇問, 淨係問過我上次經期幾時, 結左婚未, 有冇避孕, that's all, 咁我使乜睇專科, 使乜睇你? 零笑容, 同佢講野唔望人無禮貎呢d都已經算, 我當佢好cool, 唔係要求佢賣笑~ 同佢講野佢全程係望住電腦, even打完野停低都係繼續望住電腦~~ 如果你唔介意人地只係求其按兩下你個肚, 又唔介意好粗魯咁檢查你下體, 又唔介意佢黑口黑面唔望你&好似好趕咁示意你出去, 你可以去睇佢!! 簡評: 個人觀感- 態度有失、醫德有損 經歷過程- 醫護之語調態度令人無所適從 推介意見- 本人絕對不會再作光顧