Dr LAM WAI LEUNG, ANTHONY

Share experiences about this doctor — clinic visits, wait times, and tips.

• Lee tung1/10·11 Aug 2025, 04:00

  如果你想睇呢個醫生，你預返三個小時嘅等候時間。 點解？你睇呢度評論話呢個醫生好細心每個病人都睇最少15分鐘，實質你入到去只係聽佢吹水，點樣讚自己，同埋聽佢講啲中醫嘅理論。但係就難為出面有需要睇症嘅病人喺度長時間等候，咁樣叫做有醫德咩。 仲有，佢嘅收費係畀出面貴一倍，睇個普通症你預900至1000蚊左右，嗰啲時間唔係免費畀你。 最重要一點，佢開藥永遠開唔足日數同份量，8日療程佢就開4日畀你，要開1000mg就開500mg畀你，跟住佢叫你四日後whatsapp畀佢講返你嘅病況，好似好關心你咁。咁當然你whatsapp佢之後佢會叫你嚟睇多次啦，佢開嘅份量都唔夠，你點會好。咁你預備多一次900至1000蚊，同埋等多三至四個鐘。 另外，當日去睇醫生嘅時候，有個大約20歲著住醫生袍嘅男仔喺度旁聽，佢話係佢嘅學生。跟住佢同個學生講我講嘅嘢你都要抄低。你真係信嗰個係醫科學生定係佢請返嚟嘅人？我都真係未見過醫科生要去私人診所實習。如果你係女病人嘅話，有個男仔喺隔離，你會唔會覺得尷尬? 我只可以講呢個係好識得包裝嘅醫生 呀林醫生，Valacyclovir 呢隻藥正常要食1000mg 先至可以足夠抵抗生蛇嘅病毒，你開500mg畀人，會令人錯過治療黃金期，會累死人的。 呀林醫生人在做天在看呀。 簡評: 個人觀感- 有欠詳盡、耽誤病情 經歷過程- 求診病人實在太多，等候需時 推介意見- 本人絕對不會再作光顧

• Jackie Wong10/10·16 Oct 2024, 04:00

  阿仔8/10發燒冇其他症狀，睇咗新達嘅劉X敏醫生，佢話佢喉嚨發炎，俾咗消炎退燒藥佢，食咗三日仍然早晚發燒，去冇喉嚨痛，但開始有幾聲咳，睇第二次佢比另外一種嘅消炎退燒藥佢加埋咳藥水仍然話佢喉嚨發炎，再食咗兩日都仍然第三次去已經開始咳，佢就俾咗抗生素，點知食咗兩日出晒蕁麻疹。上網Seach大埔名醫，見到呢個網址嘅人介紹林醫生後來更發現佢係翁靜晶嘅家庭醫生。第二朝早上八點幾立即打電話登記，姑娘一聽我睇醫生嘅原因，已經叫我去check 6合一流感，去到一check原來中咗副流感，等咗個半鐘，其間見到啲病人同醫生哈哈笑好愉快咁溝通，到我去睇嘅時候，醫生認真了解病情，耐心解釋病因，更教我點樣照顧小朋友，之後對症下藥，冇開過咳藥水，只係開咗氣管藥冇比抗生素俾咗特效藥，阿仔食咗一次藥已經可以講嘢唔咳，之前佢一講嘢就咳。蕁麻疹亦立即退晒，醫生非常之有善細心，仲好有信心咁話聽日可以返學。醫生仲俾咗個WhatsApp我，話之後有問題就可以WhatsApp佢哋，呢3都自己做檢測send相俾佢，唔使特登去診所，仲有佢話三日會好返晒唔使複診。 從未遇見過咁好嘅醫生，希望阿仔可以快啲好番 簡評: 個人觀感- 仁心仁術、醫德高尚 經歷過程- 醫生會主動探索其病因及治療 推介意見- 已視為本人的必然選擇

• Ms Cheung10/10·3 Jul 2022, 04:00

  本人本來去看尿道發炎問題，醫生主動問我生活及工作情況以了解病情，教我如何預防，並得知我近2個月工作壓力很大。離開時姑娘請我影低少許幫助病情的資料，另外給我一個信封入面說有醫生給我的資訊，看到的是教人放鬆心情的良方和了解壓力的常識，感受到的的是及時的幫助，雖然我第一次看林醫生，但他確實是不可多得的仁醫，亦非常樂於助人。 簡評: 個人觀感- 醫術精湛、鉅細無遺 經歷過程- 醫生會主動探索其病因及治療 推介意見- 不可多得，值得等待

• 訪客5/10·17 Dec 2018, 04:00

  五點幾打去就話電話預約已滿，叫我7點到登記，六時五十分趕到就話已滿額，話醫生要趕去醫院唔好意思！真是龍門任佢地搬，我已經講明已經趕返來，都是得一句唔好意思！ 簡評: 個人觀感- 詳盡親切、耐心施診 經歷過程- 醫護之語調態度令人無所適從 推介意見- 本人絕對不會再作光顧